June 21 nü Kohima nung World Music Day amungtsü

June 16, 2016 : World Music Day nung shilem agitsü pur Dream Cafe Kohima nung tangokba noksa ka yangi angur.

Kohima, June 16 (TYO): June 21, 2016 nü local band tem, kentenertem aser tsüngsangertem longjemer Symphony Production kübok Science College Kohima, kübok RCEMPA, Jotsoma nung World Music Day 2016 amungtsü.
Kentener teloktem aser nija kentenertem rognnung Alobo Naga and the Band, Divine Connection, Polar Lights, Dexterians, Girls Excess, Roded Clowns, Metet Jamir, Moatoshi Jamir, Kusazo Rhakho, Pezet Newmw aser Virie + Zaza nunger densema lir, kasa kenten sentong nung Gideon, Avilie, Noune aser Atso nungeria shilem agitsü. Parnoki kenten aser tsüngsang balala sayatsü.
Iba kenten sentong ya angati asütsü aser nikongdang 4:30 ako nung tenzüktsü, iba den külemi tejangrartemi nikongdang 3:30 ako nungi 4:00 ako tashi nung Badminton Stadium nungi RCEMPA tashi angati bus service angutsü. Kenten sentong tembangba sülena bus ajanga kasa tesem (Badminton Stadium) tongtsütsü.
Dream Café nung osangbenertem den World Music Day atema jembidang Event Coordinator, Mele Pucho-i, tang mezüng Kohima-ia Naga lanurtem den sabang ka nungi alima den külemi Music Day amungtsü, ta ashi.
Paisa, iba kenten sentong nung “Selfie Contest’ ka alitsü aser takoker nem acoustic guitar ka sempet agütsütsü, ta metetdaktsü.
Iba anogomung nüngtem nung Vimezo Iralu-i Choral Workshop ka agitsü aser Symphony Academy of Music-i Music Class ka agitsü, aser anaprongji tejangrartem atema angati asütsü, ta paisa metetdaktsü.