June 21 nü World Music Day amungtsü

Kohima, June 14 (TYO): June 21 nü The Heritage, Old DC Bungalow nung 4 buba World Music Day Celebration Kohima sentong agitsü.
Iba sentong ya Symphony Academy of Music Kohima aser Musicians Guild yaritepa amungtsü.
Symphony Café nung tanü osangbener den jembidang Symphony Academy Director, Melekhoto Pucho-i ashiba agi ‘band 8 aser soloist 4-i iba sentong nung shilem agitsü.’
Sentong nung shilem agirtemji Lords of Rock, UDX, Purple Fusion, Divine Connection teloktem lir. Maneni, parnok den Papersky, Annie’s OK aser The Paradigm Shift teloktemia shilem agitsü.
International Hornbill Rock Contest 2018 nung tasembuba jenjang angur Assam nungi Ambush-i guest artist ama shilem agitsü.
Maneni, solo atentsüpurtemji Virie, Lui Tzudir, Seyievinuo Chüzho aser Joshua Shohe featuring Zubeni Kikon nungertem lir.
Nagaland nung kentenbaren ya angati dang amai sobaliba ka benshia arur saka kentenbaren ya angati atema dang masü ta osang sangoktsütsü atema iba sentong nung adentsüpurtem dang nungi sen 100 taa agitsü, ta Pucho-isa metetdaktsü.
Sentong nung adentsü atema senji agiaka, tayongertemi achiajemtsü, wristbands, stickers, badges aser CDs angati agütsütsü, ta paisa ashi.
Iba sentong atema selfie competition ka tenzükogo aser ibaji June 20 ayaterm nung tembangtsü. Tejangrartemi selfies agitsü aser social media nung “I am going to be there” ta zülur aser #WMDKohima#Heritage tag ser upload asütsü akok. Teimtiba likes anguba selfie-i iba tetoktepba nung takok agütsütsü aser iba atema acoustic guitar ka sempet agütsütsü, ta Pucho-isa metetdaktsü.