June 4 nü nübotok mapa inyaktsü sangdonger

Kohima, June 02 (TYO): Ali meimchirtem taküm alitsü atema lipoküm indang nüburtem nem metetdaktsütsü atema kümshia June 5 nü alima tesem ajaklen World Environment Day anogomung amunger.
Takümbo June 5 nü ya (World Environment Day) Deobar anogo nung asübayong, iba den külemi Nagaland ya Khristan state ka asübayong World Environment Day 2016 ya Honibar, June 4, 2016 nü ayongzüka state tesem ajaklen ghonda ana (anepdang 6:00 nungi 8:00 ako) nübotok mapa inyaka amungtsü, ta sorkar sangdong ka ajanga metetdaktsü.
Tamalen peipei district nung Deputy Commissioner temi metetdakja aliba ama Nagaland temerükba akumtsü atema jila aser yimtsüng ajak nung nüburtemi nübotok mapa nung shilem agitsü mepishir, iba ya ajanga Clean India Mission (Swachh Bharat Abhiyan) ajungkettsütsü aser asen aliba lima temerükba akumtsü, ta sangdong nungsa shia lir.