June 5 nungi HSLC Compartmental Examination 2017 tenzüktsü

Dimapur, May 10 (TYO): HSLC Compartmental Examination 2017 June 5 nungi 10, 2017 tashi agitsü aser tatidang indang routine ji NBSE website nung sangdongtsü, ta Nagaland Board of School Education (NBSE)-i metetdaktsüogo.
New Course kübok HSLC Examination 2017 agütsürtem aser subject 3 mesüra tajemba nung “Needs Improvement” grade angurtemi Compartmental Examination agütsütsü akok aser tatidang fee ji subject ka nung sen 250 asütsü, ta NBSE-isa ashi.
Ajisüaka, HSLC Old Course 2017 kübok tatidang agütsürtembo HSLC Compartmental Examination 2017 agütsütsü makok, ta NBSE-isa shisem.
HSLC Compartmental Examination 2017 agütsütsüpurtemi pei HSLC 2017 Examination Centre den tongteprateptsüla aser designated Centre Superintendent ajanga candidate indang application form yoktsü. Candidate temi designated centre agütsütsü atema tatembang anogoji May 20, 2017 asütsü, ta NBSE-isa metetdaktsüogo.
Centre Superintendent temi May 23, 2017 nü Board indang Office nung form aser tanga kulikakettem agütsütsüla aser HSLC Compartmental Examination 2017 nung takok manguba kaketshirtemi HSLC Examination 2018 nung subject ajak agütsütsüsa akümtsü, ta NBSE-isa ashi.