June 7 nü Mkg DPDB senden amentsü

Mokokchung, Aami/June 03 (TYO): Ita shia amenba Mokokchung District Planning & Development Board (DPDB) senden June ita atema June 7, 2019 nü ADC (Planning), Mokokchung indang Conference hall nung anüngdang 11:00 ako nungi amentsü, ta tanü ketdangsertem osang ka ajanga metetdaktsü.
Mokokchung DPDB Chairman leniba nung iba senden amentsü aser senden nung Mokokchung District nungi MLA ajak adentsü melungogo, anungji district nung office balala nungi tekolakpurtem ajak dang iba senden nung medema adentsü mepishia metetdaktsür, ta kasa sangdong ajanga metetdaktsü.