Jungle Book 2 film yanglutsü: Disney

Los Angeles, April 27 (Agencies): Box office nung sen jenti aazükba film2 – The Jungle Book aser Maleficent na indang tanabuba shilem yanglutsü renemba den külemi, action film-tema 9 tashi tarutsü mapang nung yanglutsü renemba osang ka Disney teloki metetdaktsüogo.

Ano, Emily Blunt aser Cruella nati tongti shilem agiba 101 Dalmatians film indang tanabuba shilema yanglutsü renemba osang par telokisa metetdaktsüogo.

Linda Woolverton-i otsü zülutsü renemba Maleficent film nung Angelina Jolie-i maneni Maleficent ama shilem agitsü aser Jon Favreau-i Jungle Book 2 film maneni direct asütsü renema lir.

Ano külen, Reese Witherspoon-ia Tinker Bell film nung maneni tongti shilem agitsü sentong renemba osang ka Disney teloki metetdaktsüogo.

Disney teloki tawa Alice in Wonderland, Cinderella aser Maleficent film-tem yanglua alima dang sayuba sülen dollar sen billion 2.5 shi aazükba osanga jangjaogo.

Disney teloki tasenküma yanglushiba Jungle Book film-ia dollar sen million 192 shi aazüktsüba osanga bushiteta lir.