Junior Asia Cup Hockey: India teloki China tsükdaktsü

Kuantan, November 17 (Agencies): India’er hockey teloki goal 4-1 agi China madak takok ngua tang tasayadak Junior Asia Cup Hockey asayamong indang Pool A tatembangba asaya tanü Mongolbar nü asayaogo.
Taoba asaya 2 nung Japan aser Malaysia na madak takok anguba densema, India teloki tan agi 3 buba asaya atonga akoker lir.
Tanü asaya nung Manpreet Singh-i goal 2 aser Harmanpreet Singh o Ajit Pandey nati goal kaka agütsüba ajanga par India telok Pool A nung temaba jenjangi ajungkettsü.
Tanü asaya tenzüker minute 16 buba nung Harmanpreet-i India asoshi mezüngbuba goal agütsü aser Ajit-ia minute 32 buba nung goal 1 agüja India temaba jenjang nung ajungkettsü.
Haifeng Guo-ia minute 43 buba nung goal 1 agüja par China telok jenjang tajungba kümdaktsü.
Ajisüaka, Manpreet-i goal 2 tashi atonga agütsüba yong India-i tanü takok angu.
India teloki Oman telok den tan Brehostibar nü quarterfinal asayatsü lemzükogo.