Junior Asia Cup Hockey: India tsürtemi goal 12-0 agi Singapore akok

Changzhou, September 07 (Agencies): India’er junior tetsür hockey teloki goal 12-0 agi Singapore madak takok ngua 7 buba Women’s Junior Asia Cup asayamong indang 2 buba asaya yashi, Deobar nü asayaogo.
DPR Korea madak goal 13-0 agi taoba Honibar nü akokba India tsürtemi yashi asaya tentenzük nungi kanga junga shilem agi.
Punam Balra-i asaya tenzüker minute 6 buba nung goal 1 aüja India temaba jenjang nung ajungkettsü.
Captain Rani Rampal-i cross tajung ka yanglutsüba sülen Anupa Balra-i minute 10 buba nung India asoshi goal 2 buba agütsütsü.
Ano, minute 15 buba aser 25 buba na nung Preeti Dubey aser Jaspreet nati goal ka ka agüja India goal 4-0 agi temaba jenjang angu.
Asaya tanabuba shilem nung, asaya tenzüker minute 49 buba nung Lily Mayebgbam-i 5 buba goal agütsütsü.
India tsürtemi maneni asaya tenzüker minute 52, 59, 61, 64, 65, 68 aser 70 buba nung goal agütsüba yong par teloki yashi goal 12-0 agi Singapore madak takok angu.
India tsürtemi par taruba asaya China den tan September ita 9 nü asayatsü.