Junior Asia Cup Hockey: India tsürtemi goal 13-0 agi N Korea akok

Changzhou, September 05 (Agencies): India’er tetsür hockey teloki goal 13-0 agi North Korea tsürtem madak takok ngua 7 buba Women’s Junior Asia Cup hockey asayamong nung shilem agitsü tenzükogo.
Tanü asaya nung India captain, Rani Rampal-i goal 5 tashi agüja takokbaji bener arutsüba osang jangjaogo.
Tanü asaya tenzüker minute 11 buba nung Preeti Dubey-i India asoshi mezüngbuba goal agütsüba sülen Jaspreet Kaur-i minute 20 buba nung tanabuba goal agütsü.
India tsür, Navneet Kaur-ia minute 24 buba nung goal ka agüja India temaba jenjang nung ajungkettsü.
Minute 4 süir külen, Rani-i goal 1 agüja India goal 4-0 agi N Korea den temaba jenjang kümdaktsü.
M. Lily Chanu-ia minute 31 buba nung goal 1 agütsü aser asaya mezüngbuba shilem tembangtsü mapang nung Punam Barla-i goal 1 agüja India goal 6-0 küma temalen ajungkettsü.
Asaya tanabuba shilem nung, asaya tenzüker minute 43, 44 aser 46 buba nung Rani-i maneni India telok asoshi gaol 3 tashi agüja kanga junga asaya.
Lilima Minz-i minute 51 buba nung 10 buba goal agütsüba sülen India tsürtemi minute 52, 64 aser 70 buba nung goal 3 tashi agütsüba yong par teloki tanü goal 13-0 agi takok angu.
India-i par taruba asaya Singapore den asüng, Deobar nü asayatsü lemzükogo.