Junior Hockey World Cup: Germany o N Zealand nati akok

Lucknow, December 08 (Agencies): India kübok Lucknow yimti nung tentetba Dhyan Chand Stadium nung tanü, Brehostibar nü nungi tenzüka asayaba 11 buba Junior Hockey World Cup tetenzük asaya nung Germany aser New Zealand telok nati takok ngua shilem agiogo.

N Zealand teloki goal 1-0 agi Japan telok akok aser Germany telokia goal 2-1 agi Spain telok tsükdaktsü.

N Zealand striker, Sam Lane-i asaya tenzüker minute 44 buba nung takokba goal agüja, par telok nem takok ngudaktsü.

Taoba mapang champions akümtsü jenjang 6 ben tashi ajangzüker Germany telok nungi Anton Boeckel-i par asaya tenzüker minute 25 buba nung goal 1 agüja, par telok temaba jenjang nung ajungkettsü.

Ajisüaka, asaya tenzüker minute 48 buba nung Spain nunger Bordas Fabregas-i iba goal-ji meyipja, par telok anaprongla kasa jenjang kümdaktsü.

Tesülen, Timm Herzbruc-i asaya tenzüker minute 63 buba nung penalty corner takok ngua agüja, par telok asoshi tanabuba aser takokba goal agütsü aser iba ajanga par teloki takok angu.