Junior Hockey World Cup: India teloki Canada akok

Lucknow, December 09 (Agencies): India’er hockey teloki goal 4-0 agi Canada telok madak tokok ngua, tang tasayadak 11 buba FIH Junior Hockey World Cup asayamong nung yashi, Brehostibar nü shilem agiogo.
Striker Mandeep Singh-i asaya tenzüker minute 35 buba nung goal takok ngua agüja, par India telok temaba jenjang nung ajungkettsü.
Mandeep den yaritepa, külem asayar, Harmanpreet Singh-i penalty stroke takok ngua zükokja, asaya tenzüker minute 46 buba nung 2 buba goal agütsüba sülen Varun Kumar-i penalty corner goal takok ngua minute 60 buba nung agütsüba ajanga India teloki goal 3-0 agi Canada telok den temaba jenjang ngua asaya.
Tesülen, asaya tenzüker minute 66 buba nung Ajit Pandey-i field goal takok ngua agüja, par India telok nem goal 4-0 agi takok ngudaktsü.