Justice Pinaki Chandra-i Lokpak Chairman tenangzükba agi

New Delhi, March 23 (Agencies): Tanü linük Tir, Ram Nath Kovind-i ketdangsüa Lokpal Chairperson atema Justice Pinaki Chandra Ghose tenangzükba agidaktsüogo.
“Tanü Rashtrapati Bhavan nung sentong ka ayongzüka tenangzükba agiogo,” ta official sangdong ka ajanga metetdaktsü.
Justice Ghose ya taoba mapang Supreme Court judge inyaka liasü aser linük nung mezüngbuba Lokpal tongti atema March 19 nü shima liasü.
Rashtrapati Bhavan sangdong ka ajanga, Tiri Lokpal Chairperson atema Justice Ghose shimogo aser pa den züngsem 9 shimogo, ta metetdaktsü.
Lokpal nung judicial züngsem ponguji Justices- Dilip B Bhosale, Pradip Kumar Mohanty, Abhilasha Kumari aser Ajay Kumar Tripathi nunger lir, aser non-judicial züngsem pezüji Dinesh Kumar Jain, Archana Ramasundaram, Mahender Singh aser Dr Indrajeet Prasad Gautam nunger lir.
Arishi küm 66, Justice Ghose ya 2017 küm May ita nung SC judge nungi anisüngzük. Tang pa National Human Rights Commission (NHRC) nung züngsem ka lir.
1997 küm pa Calcutta High Court nung judge shim aser 2013 küm SC nung judge shim. Andhra Pradesh High Court nung Chief Justice inyakba mapang nung pai taoba Tamil Nadu Chief Minister J Jayalalithaa den inyaksemer, Sasikala ochimashi ken o nung aija liasü.
Lokpal Act ya 2013 küm agizük. Lokpal ya Centre nung amenoktsü aser state tem nung Lokayuktas amenoktsü aser parnoki sorkar ketdangsertem aser melungtet teloktem nung inyakertem ochimashi ken o bushisüngdangtsü.