Justice Ranjan Gogoi-i 46 buba CJI inyaker

New Delhi, Mongputeni (October) 3 (Agencies): Bodbarnü Justice Ranjan Gogoi-i India nung 46 buba Chief Justice of India inyaktsü atema tezüngzüktep agiogo.
Dipak Misra-i ita 13 tashi Chief Justice of India inyaka aruba October 2, 2018 nü pa indang kümsük tembang aser Justice Gogoi-i pa melenzük.
Tanü Tir Ram Nath Kovind-i Justice Ranjan Gogoi nem tezüngzüktep agidaktsü. Assam nung mezüngbuba Chief Justice of India inyaksangji pa lir.
National Register of Citizens yangluba mapa special bench kati ketdangsüa reprang aser iba bench nung tekolakji Justice Gogoi liasü.
Justice Dipak Misra den tepila o jembidang Justice Gogoi-i “Justice Dipak-i civil liberties atema mapa tulu inyaka yutsüogo” ta ashi.
“Asenoki linük temzüng nung ammeter mapa meinyakra, asenok kati ka tepsettsü, sempateptsü. Supreme Court nung obendangertem bendanga agütsürtem lir aser iba tangatetba nung maneni inyaktsü” ta Justice Gogoi-isa ashi.
“Asenok achiajemba, sübosolemba ajak asen kijai lemtettsüba masü saka tangari tetuyuba agütsütsüba tensa ka nung tanü asenok alir” ta paisa shisem.
Justice Gogoi indang kümsükji ita 13 dak tera tali inyaktsü aser November 17, 2019 pa mapa nungi anisüngzük angutsü.