Justin Bieber aser Selena Gomez na ken online leak süogo

October 19, 2015: Taoba mapang nüknürar ana- Justin Bieber aser Selena Gomez nati külemi atenba ken ka online ajanga leak süogo.

“Strong” ken nung arishi küm 23 Gomez-i “Ni maremzüktetba nung mangatettsüsa kecha mali’ ta atenba sülen Beiber-i “Ibaji ni menüngralaji na asübayong lir,” ta anidaker.

Iba kenji arishi küm 22 Beiber taruba kensep “Purpose” nung adentsü asü masü’ar mejangjar, ta Aceshowbiz osang ajanga ashi.

“Purpose” kensep ya November 13 nü sayatsü sentong lir.

Tenati 2011 küm tena meimteper ta sangdonga liasü ajisüaka 2012 kü tatemlen pila. Iba küm ana shi tena meimtepli bilali ta aiben süogo, aser 2014 küm tatemlen pila liasü.