Justin Bieber-i molusongzü ka metsüner

Toronto, May 20, 2016 : Tan hopta molusüngzü temesüng ka anguba sülen, kentener Justin Bieber-i, kanga bulua manguba molusongzü temesüng ka metsütsü jangrar, ta ashi.

Arishi küm 22 tain, pop kentner Bieber-i shishilemba mapa nung millionaire aser shiruru kanga meimer Alex Haditaghi den ajurutepba mapang molusongzü temesüng techanu ka par kidang metsüa aliba angu, ta femalefirst.co.uk osang ajanga metetdaktsü.

“Bieber-i shiruru den kanga meima aser anepaluba kazüba ngua ni kanga süngmang,” ta Haditaghi-i New York Daily News osangkaket nung Confidenti@l column ajanga lemsatep.

Haditaghi-i “Sorry” ken atensangi shiruru kanga sapuba dena lemsatepa liasü.

Arishi küm 38 tain, entrepreneur Haditaghi-i, taküm küm tatemlenbosa Florida, Arizona mesüra Canada nung ali tasazük acre 1,000 nungi 2,000 shi nung shiruru kümzüka ayuba tesem ka lapoktsü sentong lir aser ibaji lapokdang Bieber otongdar asünung ajungtsü, ta ashi.

Iba molusongzü chanu tenüng Alex lir, ajisüaka Bieber-i bo Disney movie “The Lion King” nung adokba molusongzü dang ajaba ama Simba ta jatsüner.

You must be logged in to post a comment Login