Justin Bieber-i ‘Sorry’ ken indang video sayaogo

Los Angeles, October 23 (Agencies) : Hokolbar nü pop kentener Justin Bieber indang ken tasen Sorry indang video sayaogo.
Iba ken ya mezüng October 22, 2015 nü radio nung saya aser iba sülen Justin indang Vevo page nung prokshi, ta Aceshowbiz osang ajanga metetdaktsü.
Iba video nung tetsürtemi tsüngsanger aser Justin-i taoba mapang tetong Selena Gomez den pilaba atema tatok meshia atener.
Iba ken ya Skrillex aser Blood Diamonds nati produce asü.
November 13 nü Justin Bieber indang kensep tasenba ‘Purpose’ sayatsü sentong lir aser iba kensep nungi ‘What Do You Mean?’ sayaba sülen tang ‘Sorry’ ken sayaogo.