Justin Bieber indang ‘What Do You Mean’ ken UK Singles Chart temaba nung lir

September 19, 2015: Hopta ana tejaklen Justin Bieber indang ‘What Do You Mean’ ken ajanga UK singles chart nung temaba jenjang tongtetogo. Ibai pa asoshi UK chart nung mezüngbuba temaba jenjang angur asütsü. Justin ken agi Sigala-i atenba ‘Easy Love’ tanabuba jenjang nung ajemzüka yutsür iba jenjang ya tongtet aser Calvin Harris & Disciples temi atenba ‘How Deep Is Your Love’ ken tasembuba jenjang nung lir.
R City & Adam Levine-i atenba ‘Locked Away’ ken jenjang 39 nung aliba tang menden 23 khen nung pungdanga atua jenjang 16 tongogo.
Ano kensep tarensen nung chart jenjang asoshi Stereophonics, Bring Me The Horizon aser The Libertines tem kanga toktepa liasü. ‘Keep The Village Alive’ kensep ajanga Stereophonics teloki küm ti buba nung UK chart kensep rongnung temaba jenjang ngutetogo.
OfficialCharts.com den jembiba mapang, Stereophonics nung ken atensang, Kelly Jones-i, “Ni ozü telok kanga meimer. Onok indang kensep UK chart temeba jenjang tongtetba ya kanga tepelatsü osang lir. Telok tentetter küm 20 dak tera tema shi ajunger aser iba mapang nüburtemi onok ken sapuba ajanga iba jenjang tongtetogo. Onoki nenok ajak meimer! Nenok ajak dang kanga pelar,” ta ashi.
Parnok sülen Bring Me The Horizon telok meyong ‘That’s The Spirit’ kensep tanabuba jejang nung lir aser küm 11buba nung ajurutepa, tan mezüng adokba Libertines indang ‘Anthems For Doomed Youth’ kensep tasembuba jenjang nung lir. Iba den külemi tan tasen aitba Duran Duran indang ‘Paper Gods’ kensepa jenjang pongu buba nung lir.