Justin Bieber ken tasenba online leak süogo

July 20, 2015: Nüngtugu kentener Justin Bieber indang ken tasenba “Perfect together” online prokogo.

Iba ken tasenba nung Bieber-i pa aser tedong Selena Gomez na tesentaktepji khenkhenbo mejungaka tena sapurtemibo tenaji tetemsü ama bilemer ta atener, ta aceshowbiz.com. osang ajanga metetdaktsü.

“Perfect together” kenji demo tejen ka asü pa kensep tasenba atema ken tasen’ar ibaji mejangja.

Kensep tasenbaji kodang sayatsü’ar iba anogojibo sangdonga mali.

Ano külen Bieber indang ken “Where Are U Now” kanga takok anguba ajanga pa kanga peladagi. Iba ken ya Billboard Hot 100 jenjang 8 buba nung lir.