Justin Bieber tetsür tasen ka den medemer

September 29, 2015: ‘What Do You Mean’ ken atensang, Justin Bieber-i, tatalokba karbo meshiner kechiba süra Selena Gomez den 2011 nungi 2014 tashi kazüba mapang kanga tiptema memedemtetba ajanga tsübua bilemer, ta ashi.

Na tarutsü nung medemba tetsür ajak Selena den medemba den metemdanger asü ta asüngdangdang pai, “Hao, ni tang medemba tetsür indang jembitsü arentaker ajisüaka ni shiadoker aser jembir külenbo kecha balaka mebilemer,” ta langzüa liasü.

Justin ya dang model Jayde Pierce den meimteper südi ta mulung melemi bilemer.

“Tesüiba mapang atalokba kar agi ni kanga aoksaa liasü saka tan medemlabo yamaji mesüdaktsür,” ta pai shisem.

Arishi küm 21 tain, Justin-i, “Selena tena medemba mapang ki ka nung külemi liasü,” ta rakpoka ashi.

Pai, “Ni arishi küm 18 asüdang nungi ketong den ki ka nung külemi alitsü tenzük. Küna kibong kümer amai liasü. Iba ama tainlonglong mapang nungi tetsür den alitsübaji kanga mamangtsüka, ajisüaka küna kangasa meimtepa liasü aser iba mapang nung kecha mebilem,” ta ashi.

“Maginüba kar atalokdang khenkhenbo küna kanga raratepa liasü kechiba süra küna tsüngda tesendaktep ulura liasü,” ta paisa ashi.