Justin Timberlake-i par tanur dang ken tena mesayur

August 29, 2015: Justin Timberlake kinüngtsü Jessica Biel-i, pai ozü jabaso dang ken tena mesayur, kechiba süra pai kidangi pa mapa bener marur, ta ashi.
Justin ya Grammy-award angur ka süaka pai pa mapa kodanga kidangi bener marunüba ajanga ni ang tanur Silas amoa yoktsü atema ken tentsür, ta Jessica-i ashi.
Lai, “Kenji pa asoshi business lir, anungji kidangi iba mapa bener arua mashi mapang nung tenshitsüba masü anungji kidang ozü tanur asoshi ni ang ken atener,” ta E! News dang ashi.
Total recall nung tongti shilem agila, Jessica aser kinüngbo Justin na jabaso, Silas Randall ya taküm April ita nung aso aser lai jabaso menüremba jakden repranga dang liner.
Lai, “Jabaso amoa aoba sakdang ni kanga pelar. Pa sakba mapang pai lunga repranger aser kodang ni oa reprangdangdir pai kü dang tanglar,” ta ashi.
“Tepu mali menübaji kanga temeimtsüka aser ni taküm lia pa dak rakloka reprangtetba atema ni kanga pelar. Ajisüaka iba mapangji tatsüka dang sürbo pa alepba sü menener aliba melentsütsüsa akümer,” ta laisa shisem.