K-Pop band MONT-i Hornbill music fest nung shilem agitsü

Guwahati, Yimpoksüi/November 28 (Agencies): Hornbill International Music Festival nung K-Pop band MONT-i nüburtem jangratemdaktsütsü asoshi renema lir.
Parnok Luchii/Dec 4 nü parnok indang pre-debut concert nung shilem agitsü, ta sentong ayongertemi metetdaktsü. Korean boy band indang mezüngbuba video ajaki kanga junga agizükogo aser K-Pop sabang nung parnok kanga nüngtugu akümtsü ta ajaki imlar.
“Hello India, onok Hornbill International Music Festival nung shilem agitsü asoshi Nagaland, India-i arutsü yongyaseta atar. Luchii/Dec 4 nü Agri Expo nung onoki shilem agiba arua reprangang,” ta HIMF official Facebook page nung video ka ajanga parnoki ashi.
Iba kentenba telok nung züngsem asem lir; Narachan, Roda, aser Bitsaeon. Parnoki Poland, Brazil aser Israel nunger nung shilem agiogo.
Dimapur nung shilem agiba sülen MONT pur, New Delhi, Korean Cultural Centre India nung Luchii/Dec 6 nü shilem agitsü.
Hornbill International Rock Contest nung Nagaland nungi band 5 densema band 24 tokteptsü.
Tanga band tema ya Karnataka, Delhi, West Bengal, Maharashtra, Jharkhand, Assam, Sikkim, Mizoram aser Meghalaya nungi lir.
Shillong nungi nüngtugu Blues Rock band Soulmate puria iba sentong nung shilem agitsü. Ano jangratemtsü sentongkaji Great Hornbill Guitar Ensemble ya asütsü, kong Naga nunger guitarists temi shilem agitsü.
Hornbill International Rock Contest takoker nem senpet sen lakh 10 agütsütsü aser tanabuba aser tasembuba jenjang nung tembangernem senpet sen lakh 5 aser 3 agütsütsü.