K. Therie-i Tokheho mang ayimer

Dimapur, January 13 (TYO) : Taoba Minister aser Interim Body Member, Nagaland, Tokheho H. Sema ajungbena asüba osang angashia kanga aoksar, ta NPCC President, K. Therie-i sangdong ka nung metetdaktsü.
Nagaland statehood atema inyakba mapa nung pa lennir tejentem rongnung ka liasü aser pai Interim Body Member tanubosang aser ano Minister ka ama mapa jenti inyaktsüogo. Asür Tokheho-i loktiliba atema tongtipang mapa aika inyaktsü aser pai Naga nunger atema mangdang yur inyaksangshi, ta K. Therie-isa ashi.
Pai inyakba mapa tajungtem aser pa lennisüba kodanga mamatettsü aser pai toktsür aoba ongdangji par kibong atema dang masü saka par kin aser state ajunga atema takoksa ulura lir, ta paisa sangdong nung shia lir.
NPCC nung züngsem ajaki asür kibong den asüku lemsateper aser tulusang Tsüngremi nür kibong sünepjang aser tashi agüjang ta asüku osang lemsateper, ta NPCC President-isa shisem.