KABA CARE mapa tajung atema tenüngsang agütsür: Khriehu

Kohima, August 11 (TYO): Kohima yimti topur ajungtsü atema Kohima Ao Baptist Arogo CARE (KABA CARE)-i mapa tajung inyakba atema Youth Resources & Sports, State Lotteries & MTF Parliamentary Secretary, Khriehu Liezietsu-i pelaba osang ka lemsatepogo.
“Yimtiba jila (Kohima) temerükba akumtsü atema mapa tajung inyakba dak alia tang Kohima nung ‘footbridges’ topur ajungtsü atema inyakba mapaji tenüng asangtsü tetemsü,” ta pai ashi.
Khriehu-isa, omen balala nung purapiteta sentsü balala agi yimti topur jungdaktsüba ajanga asen jila tesangwaba kümdaktsüogo, ta ashi.
“Kohima ya Nagaland yimtiba lir aser iba ya tribe ajak atema talidak lir, anungji ya asenok ajak meyong. Iba ya pei meyong, ta kuli sayutsüsa KABA CARE-i inyakba dak alia tatishitsü tajungba malitsü. Jila topur ajungtsü atema inyaktsüji ajak teinyaktsü shilem lir,” ta Parlimanetary Secy.-i ayongzük.
Paisa, ajak dak alia KABA CARE-i pa constituency kübok High School junction nung aliba ‘footbridge’ nunga mapa tajung inyakba atema parnok dang pelar, ta metetdaktsü.