Kabaddi WC: India-i England akok, semi-i ai

Ahmedabad, October 19 (Agencies): India nunger Kabaddi teloki points 69-18 agi England telok madak tatembangba Group B asaya akokba sülen tang tasayadak Kabaddi World Cup semifinal asayatsü jenjang yashi, Mongolbar nü nguogo.
Tongti raider, Pardeep Narwal-i points 13 ajangzüktsüba den külem asayar, Ajay Thakur-ia points 11 tashi ajangzükja, par India nem takokba agütsü.
Tetenzükba asaya nung South Korea telok nem takok ngudaktsüba sülen India teloki takokba ngua shilem agitsü tenzük aser group asaya 5 nung ajak agi points 21 ajangzüka, tan semifinal asayatsü jenjangji angu.
England telokia ajak agi points 10 ajangzüka, par Group B nung 4 buba jenjang nung tembanger lir.