Kabaddi World Cup 2016:India-i 54-20 agi Australia akok

Ahmedabad, October 9 (Agencies) : Honibarnü 2016 Kabaddi World Cup asayamong nung India-i nungeri 54-20 agi Australia koka iba asayamong mezüng takok nguogo.
Hokolbarnü Korea madak tamakok anguba sülen India-i parnok tashi sayutsü nüngdanga aliba mapang ka nung iba takok angu.
Australia den sayaba mapang India-i Rahul Chaudhari aser Jasvir Singh na anisüngzükdaktsür tena melena Pardeep Narwal aser Sandeep Narwal na asayadaktsü.
India nunger atema point timtiba ngutsüsangji Ajay Thakur liasü, pa kijai telok atema point tenet ngutsü.
Asaya tenzüker minute 4buba tashi nung India nungeri 6-0 angu aser minute 5buba nungbo 10-0 küma India nunger jenjang kanga agi tajungba küma asayatet.
Iba asaya nung Australia nunger captain-i par telok atema point 5 ngutsü.
Ano India nunger Mongulbarnü Bangladesh den asayatsü aser Australia nunger Hombarnü England den asayatsü.