Kabir Bedi-i Parveen Dusanj den kibong aküm

kabir-bedi-3Mumbai, January 17 (Agencies) : January 16 nü actor tejen Kabir Bedi arishi küm 70 ajungba nüngtem nung par medemertem den benjung munga liasü aser osang angazükba agi January 15, 2016 nü pai pa tetong Parveen Dusanj (42) den kibong aküm.
Actor Gulshan Grover-i Kabir’er tasoba anogo benjung nung aden aser pai Kabir den kibong akümba tepela osang lemsatepogo ta ashi.
“Ni pa kanga sakloker aser pai mapa tajung aika inyakogo. Ni pa dang nungi aika angazüker aser show business nung nisung tajungtibaji pa lir. Kü temulung taroktiba nungi tepela salem abener” ta Grover-i osangbener dang ashi.
“Küm 70 ajungba benjung nung adentsü arurtem pelashishia agizüker. Taoba mapang ni shiyonga aruba ama showbiz business nung küm 25 ser talila shilem agia arur ajak Oscar angutsü dalang, anungji ni iba tangatetba nungji ‘Oscocanadian’ ka lir” ta Kabir-i pa tasoba benjung mapang ashi.
“Ni meiemertem, tepela lemsatepertem, pusema nungiter aser ni asoshi tajung bilemtsürtem ajak dang kanga pelar. Ni parnoki imlaba ama litettsü imlar” ta paisa shisem.

You must be logged in to post a comment Login