Kabir Puraskar Award 2016 atema tenüng meshir

Dimapur, April 6 (TYO) : Ministry of Home Affairs, Government of India-i Nagaland state sorkar dang 2016 küm Kabir Puraskar award atema tenüng agütsütsü osang sangoktsüogo.
Iba award atema tenüng agütsütsü atema tatembangba anogoji May 15, 2016 asütsü aser iba sempet ya küm shia October 2 nü agütsür.
Centre sorkari “Kabir Puraskar” ta ser National Award agütsür aser iba ya kin o kin tsüngda tesentaktep tajung ayuba aser linük ka küma longjemtsü asoshi inyakertem ajiteta agütsür.
Iba sempet ta Grade asem lemsar kulikaket den senpet agütsür. Grade-I nung sen 2,000,00, Grade-II nung /-,  sen l,00,000 aser Grade-III nung 50,000 senpettem agütsür.