Kabul bomb lendong nung asür 30 jungogo

Kabul, August 26 (Agencies): Afghanistan yimtiba Kabul nung aliba Imam Zaman mosque nung Hokulbarnü telungpurtemi lendong agütsüba nung asürtem nisung 30 dak tali kümogo aser yirurtem ya nisung 80 dak tali lir.
Saka Afghan Ministry of Public Health ajanga ashiba agi, iba lendong nung asür nisung 20 dak tali aser yirur 35 dak tali liasü.
Qala-Najara nung Muslim nunger tekülem kidang Hokulbarnü sarasademtsü asoshi adenshia aliba mapang bomb pokdakja injang akha.
Kabul indang PD11 nung aliba Qala-e-Najarha tesem nung suicide bomb ya pokdaktsü aser prangbong amertemi amak, ta Ministry of Interior ajanga jangjatsüogo.
“PD11 nung aliba Imam Zaman Mosque nung suicide bomb pokdaktsür ka pa-sasa pokseta asü,” ta Interior Ministry indang odongtar, Najib Danish-i ashi.
“Iba lendong ya nisung asem mesüra pezü-i agütsü aser iba tekülem ki tezülen ka pa-sasa pokseta asü,” ta Najib Danish-i osangbener dang ashi.
Iba lendong nung nisung 12 asü aser 38 yiru, ta pai Honibar anepdang osangbener den jembiba mapang shia liasü.
Afghan National Police indang Crisis Response Unite ajanga iba tesem meriktetba mapang nunga bomb kar apokba angashi, ta osang ajanga ashi.
Iba lendong nung asürtem ya timba akümtsü südi, ta Ministry of Public Health indang odongtar, Ismail Kawoosi-ia ashi.
Iba tesem nung lendong agütsür aser mitkar tsüngta ghonda pongu khatep.
Afghan tir, Ashraf Ghani-ia sangdong ka nung iba lendong ya aitsüogo aser iba lendong ya Afghanistan nüburtem dak amakba lir, ta ashi aser pa Afghan nung tamangba yimsü lenirtem dang iba ama azüdokshi anema ola adoktsü ajungshi.