Kabul nung India Ambassador, Manpreet Vohra’er kidang RPG ka pokloktsü

Kabul, June 06 (Agencies): Afghanistan linük nung India embassy indang ki Kabul nung aliba nung rocket-propelled grenade (RPG) ka pokloktsü, saka nisung kata yiruba mesüra asüba osang mali, ta External Affairs Ministry osang ka ajanga ashi.
Afghanistan nung Indian Ambassador, Manpreet Vohra’er ki Kabul nung aliba nung Mongulbar nikongdang iba RPG ya volleyball court nung tsüka apok saka iba bomb ajanga nisung kata meyiru, ta osang ajanga ashi.
Iba lendong adalokba sülen Vohra-ia aitsü aser iba amala lendong ya India nungeri metsübur, ta shisem.
Taoba hopta Afghan yimtiba Kabul nung bomb apokba ajanga nisung 150 dak tali taküm samar mitkartem tali tesashiba nung yimti anükba mapang iba lendong adalok.
Afghanistan linük nung yimjung alitsü ken o jembitsü asoshi Kabul Process senden ka tanep nungi tenzükogo. Iba senden nung India densema linük 20 nungi züngsem arua shilem agiba mapang lir.