KADTA-i aitsür; SP Diphu dang mepir

Dimapur, December 8 (TYO) : December 4, 2016 nü Sand Mohaldar and Supplier Association, Manja (SMSA) züngsem kari truck gari driver aser handyman na pur züka merenshiba kukua aitsür, ta Karbi Anglong & Dimapur Transporters’ Association (KADTA) sangdong ka nung metetdaktsü.

December 4 nü Longnit aser Nuton Bosti tsüngda NL-07A-6917 gari soter driver Ayush Singh aser handyman Md. Sahidul Alam na dak kanga mejungi azük asr iba mapang Sahidul Alam tekolak kanga mejungi yiru, ta KADTA, President Anil Toppo-i sangdong nung shia lir.

Iba dak sendakba nung gari kiburi Bokalia Police Station nung FIR ka benok saka police-i aibelenertem pua memerenshir. Iba asoshi KADTA-i SP Diphu dang mapa inyaktsü aser aibelenertem aputsü mepishir, ta sangdong nungsa shia lir.