Kailash Kher-i US nung PM Modi atema ken atentsü

September 23, 2015: Kentener Kailash Kher-i par kentenba telok Kailasa den külemi September 27 nü California, Silicon Valley nung Ato kilonser Narendra Modi atema ken tentsütsü, aser pai iba maongka anguba atema pelar.
“Nüma tanga bilemer #Soilicon Valley nung Narendra Modi atema Kailasa-i ken tentsütsü,” ta ‘Teri deewani’ ken atensangi Bodhbar nü twitter ajanga lemsatep.
Iba sentong atema paisa poster ka lemsatepa liasü.
Kentener Kailash-isa pai Modi tsüngdong oa ajurutsü, ta shiogo.
“Ni kanga sapusang PM Silicon Valley nung ajurutsü @narendramodi @PMOIndia #SiliconValley #Kailasa #Music #Passion ajak longjemtsü,” ta paisa twitter ajanga metetdaktsü.
Iba kenten sentong dak sentakba nung Kher-i, “#Kailasa kenseptem nung aliba kentem aser #Bahubali ken ajak onoki sabang nungi atentsü#Sap Center San Jose #Kailasa-i California anokshitsütsü” ta ashi.
Bodhbar nü Narendra Modi Ireland aser US nati apusoogo. Bodhbar nü pai Ireland semdangtsü aser kasa aonung New York (US)-i aotsü.