Kaketshir 25,793-i HSLC aser HSSLC 2016 tatidang nung takok nguogo

Kohima, May 03 (TYO): Nagaland Board of School Education (NBSE)-i ketdangsüa agiba High School Leaving Certificate (HSLC) aser Higher Secondary School Leaving Certificate (HSSLC) tatidang nung kaketshir 25,793-i takok nguogo.
Kaketshir 22970-i HSLC tatidang agütsüba nungi parnok 15037-i takok angu aser ibaji noklang nung shilem 65.42 takok anguba asütsü. Yaküm takok angurtemji noklang nung shilem 65.19 liasü aser taküm shilem 0.23 agi timba takok nguogo.
HSLC 2016 tatidang nung tematiba menden nung takok angurji S D Jain Higher Secondary School Dimapur nungi Madhu Kumari Giri lir. Lai mark ajak agi 581 anguba ajanga noklang nung shilem 96.83 ngutet.
Taküm HSLC tatidang nung kaketshir kati dang takok mongutetba school 28 liasü. Nil pass percentage anguba school tem rongnung 27 ji sorkar school tem aser Dimapur district nungi nija school ka lir.
Ano, kaketshir ajaki takok anguba school 67 rongnung sorkar school pezü densema lir.
HSSLC 2016 tatidangji Arts, Science aser Commerce atema agi.
Arts stream nung kaketshir 10,386-i tatidang agütsüba nungi parnok 7488-i takok angu. Iba tatidang nung St. John Higher Secondary residential School Dimapur nungi Kikali Achumi-i tematiba jenjang nung takok angu. Lai marks 445 anguba ajanga noklang nung shilem 89 takok angu.
Commerce stream nung kaketshir 1397-i tatidang agütsüba nungi parnok 1031-i takok angu. Iba stream nung mezüngbuba jenjang nung takok angurji Pranab Bidhyapith HSS Dimapur nungi Gulabsa Khatun lir. Gulabsa-i marks 492 anguba ajanga noklang nung shilem 98.40 angu.
Science stream nunga kaketshir 2725-i tatidang agütsü aser parnok rongnungi kaketshir 2247-i takok angu. Iba stream nung mezüngbuba jenjang nung takok angurji Kohima Science College (Autonomous) Jotsoma nungi Metsivilie Seyie lir. Metsivilie-i marks 472 anguba ajanga noklang nung shilem 94.40 angu.