Kaketshir/lanurtem nem tenokdangba agütsü

Dimapur, Rongchii/April 29 (TYO): Kiphire, Additional Deputy Commissioner, Reny Wilfred IAS-i, tawa Kiphire kübok Pungro Sub- division nung lanur ishika ayong nung arakseta asüba dak sendakba nung nüburtem nem osang ka agütsüogo. ADC Kiphire-i nüburtem dang sangdong ka ajanga, kaketshir aser lanurtem tzüngluruwa metembang tashi picnic mesüra ango apui maotsü tenokdangba agütsüba metetdaktsüogo.
Maneni Reny Wilfred-i kaketshir aser lokti tentet balala aser nüburtem ajak dang iba tetuyuba shidak benshia otettsü asoshi Kiphire district Administration den amalitepa inyaktsü asoshi mepishia asüngdangogo.
Kiphire administration-i Village Councils ajak dang kaketshir aser lanurtem ayong semdanga aoba nokdangtsü aser ayong nung lendong atalokba tesemtem nung sign board inoktsütsü asoshi tetuyuba agütsü, ta Kiphire DPRO sangdong ka ajanga metetdaktsü.