Kaketshirtemi Manipur CM ki amaktsü merang

Imphal, September 10 (Agencies) : Honibarnü Imphal nung aliba school balala nungi kaketshirtem adenshia State Chief Minister bungalow amaktsü merang, ajisüaka police-i nokdangba ajanga parnok aika yiru aser sentong takok mengutet.
Imphal college, MEMs Higher Secondary School, Ghari aser COMET School Changangei nung azüngertemi Inner Line Permit System tsütsü inyaker, Joint Committee temi aniba sülen anidaka Manipur nung Inner Line Permit System benoktsü takhangba agütsü.
Parnoki yimyim aika ayim aser state sorkar dang state lisopur kümzüka ayutsü atema inyakyim tasen tenzüktsü mepishi.
Telok ulura adenshir nunga aruba agi kechiang mesayang nung police-i tear gas  aser smoke bomb aika kahlokja lungkak aiter kaketshirtemji pakshidaktsü.
Kaketshirtemi “Linük nung ILP benokang”, “Assembly tanaben mena Bill tasen benokang” aser “Manipur lisopur kümzükamg,” ta asüba yimyimtem ayima liasü.