Kaketshir/tsüraburtem tatidang mapang anibelem malitsü tasa

Metsüremi 5, 2018 nü Classes X aser XII Board tatidang tenzükogo, aser iba ama mapang nung kaketshirtem aser tsüraburtem kanga anibelemer, aser ibaji tim dang, ajisüaka tatidang atema kanga shisabuluba aser anibelemba ajanga kaketshirtem shisatsü nung aser temang nung mejungi kongshir.
Tatidang mapang nung kechiba anibelemer?
* Nai lesson bushitsüla aser syllabus kanga tulu
* Tatidang nung tasüngdangba kechisa alitsüar memetet
* Lokti aser tsüraburtemi nü dang nungi kanga imlaba.
Kanga anibelemba temaitsütemji kechisa?
* Heartbeat rate timba akumtsü, tangu tera dang sashiba, asentzü tali ayimba, temelungjang nung tongtonglatsü atuba, tebok pezüba, tekolak menüba, tebang akongba, mejangdang mangpoba, chiyungba yimya melenshiba.
Shisatsü nung anibelemba temaitsütemji kechisa?
* Nai menünür saka memenüteter, kuli kecha makai jashiba, tsübua/arendaka bilemba, mepelatetba aser nendaka mebilemdangtetba.
Süra tatidang mapang nung anibelem malitsü atema kechi inyaktsüla?
* Mapang apir revision time-table yanglutsüla.
* Anogoshia ghonda 6-8 bosa mejangtsüla, yamaji mesüra nai angazükba aika amadoktsü.
* Chiyungtsü tajung peria achitsüla, ajisüaka totzü tali aketba aser ‘spice’ kanga machitsüla; süngjanglijang tzü ajemtsüla aser süngolio peria achitsüla.
* Tsüraburtemi pei tanurtem kangabo merongshitsüla mesüra meinprong masütsüla.
* Tsüraburtemi pei tanurtem mulung ajema mekümtsütsüla (discourage).
* Tsüraburtemi tekolok techira tanurtem den pei chirnur medemdanga mejembitsüla.
* Tsüraburtemi tanen makai pei chirnur tajungtiba nung ajungshitsüla.
Source- Internet