Kakmayai mezüngbuba LED dang amshiba yimtsüng kümogo

Imphal, December 4 (Agencies): Manipur kübok Thoubal district nung aliba Kakmayai yimtsüng ya state nung technology tasen, light-emitting diode (LED) lamps tang amshiba mezüngbuba yimtsüng kümogo.
Ato Kilonser Narendra Modi-i yimdak yimtsüng tem nung electricity agütsütsüba sentong yarisema NGO, Mangal Rural puri iba yimtsüng nung alirtem nem conventional lights tem melenstüba atema LED bulbs agütsü.
Yimdaklirtem nem LED bulbs anana angati agi agütsü aser tanungbatemji jenjang kanga temela agi ayok. Tanga TV tem melentsü asoshi LED TV tem dena parnoki melamela aotettsüsa installment nung agütsüogo.
Iba yimtsüng nung kibong 121 lir aser tanübo item kibongtem shilem 90 shi nungbo LED bulbs aser LED TV lir.
Iba NGO ajanga incandescent bulbs tem LED agi melentsütsüba nükjidong lir.
Iba scheme indang nükjidongji, incandescent bulbs tem LED agi melentsüba aser tang tamshidak, power kanga achiba street lights tem LED agi melentsütsüba lir.