Kakran-i Asian Wrestling Championships nung gold angu

New Delhi, Tsüklai/February 20 (Agencies): Asian Wrestling Championships nung Brehostibarnü Divya Kakran-i gold medal nguogo. La ya India tsürtem rongnungi iba asayamung nung gold medal angur tanabula lir.
Divya-i 68kg category nung wrestler pongu prongla akok aser parnok rongnung junior world champion Naruha Matsuyuki densema liasü. Iba asayamung ya round robin format nung asayaogo.
Navjot Kaur, shiba Asian Championships nung India tsürtem rongnungi gold medal angur mezüngbuba aküm, lai 2018 küm Bishkek, Kyrgyzstan nung 65kg category nung goal ngua liasü
India nunger asayartem rongnungi Sarita Mor (59kg), Pinki (55kg) aser Nirmala Devi (50kg) nunger ajak final-i iogo aser parnok ajaki silver medal-bosa angutsü jangjaogo.
China nunger wrestler tem masayaba aser Japan nungia asayar tajungtem meyokba asayamung ka nung Asian Games bronze medallist Divya-i mezüng asaya nung Kazakhstan tsür Albina Kairgelinova akok aser iba sülen Mongolia tsür Delgermaa Enkkhsaikhan tsükdaktsü.
Tasembuba round nung Divya, Uzbekistan tsür Azoda Esbergenova den asaya, koba lai 4-0 agi akok. Lai iba asaya minute 27 nung koka liasü.
Junior world champion Japan tsürla den asayaba mapang Divya-i la melangketa 4-0 agi tejakdang aküm. Asaya tanabuba shilem nung Matsuyuki-i tajungba asayateta point 4-4 aküm. Ajisüaka Divya-i tajungba asayateta lai asaya akok.
Divya-i taoba küm Asian Championships nung gold medal nguteta lir.
Kasa mapang nung 2017 küm sülen Sarita tang mezüngbuba Asian Championships nung asayadar aser lai mezüngbuba bout ana nung Madina Bakbergenova (Kazkhstan) aser Nazira MarsbekKyzy (Kyrgyzstan) na akok aser iba sülen 10-3 agi Japan tsür Yuumi Kon akok.
La 59kg category final nung Mongolia tsür Battseteg Atlantsetseg den asayatsü.
Maneni gold medal angutsü imlartem rongnung Nirmala densema lir. Lai Mongolia tsür Munkhnar Byambasuren 6-4 agi aser Uzbeskitan tsür Dauletbike Yakhshimuratova technical superiority agi akok. La final nung Japan tsür Miho Igarashi den asayatsü.
India tsürtem rongnungisa Pinki final tongtetogo. Lai mezüng Uzbekistan tsür Shokida Akhmedova akok saka tanabuba asaya nung Japan tsür Kana Higashikawa makok. Iba sülen semifinal nung lai Marina Zuyeva 6-0 agi koka liasü.