‘Kalank’ film nung Sanjay Dutt aser Madhuri Dixit na longjema tangoktsü

Rongjui/September 04 (Agencies): Sanjay Dutt aser Madhuri Dixit nati taoba 90s mapang nung nüngtugu ‘Saajan’ aser ‘Khalnayak’ film nung shilem agiba ajaki jangjaa lir. Iba den külemi tenati shilem agiba film ajanga nübur telangzü tajung anguba asenoki osangtem angashiogo. Küm 21 sülen tang nüngtugu Bollywood star ana ya ano screen nung tanaben longjema Karan Johar indang taruba ‘Kalank’ film nung külemi shilem agitsü ternemba lir.
Tawa osang ka ajanga angazükba agi, Mumbai nung Sanjay aser Dixit nati taruba film atema scene kar tangoka liasü. Kasa osang ajanga ashiba agi, Indian Film director, Abhishek Varman lenisüba kübok yanglutsü aliba ‘Kalank’ film nung Dutt o Dixit na den külemi Varun Dhawan aser Alia Bhatt nati tongti shilem agitsü.
Item scene tangokmar sülen Madhuri-i iba film indang ken ka nung tsüngsangtsü atema renemdar koba choreographer Saroj Khan aser Remo D’souza nati sayutsü. ‘Kalank’ film ya taeruba küm Rongjui/April 19, 2019 nü sayatsü terenemba lir.