Kalka-Shimla lenmang nung train tsükok, bendanger 2 asü

Shimla, September 12 (Agencies): Kalka-Shimla Unesco Heritage Track nung Parwanoo anasa train nung takdang ana tetsüng longteta train lenmang nungi tuguba lendong nung bendanger ana süogo, aser nisung ishika yiruogo.
Solan district ketdangsertemi ashiba agi, iba lendong nung yirua alirtemji Max Hospital Mohali-i anir oa yaridagi.
Osang ajanga angashiba agi, iba lendongji tanü nikongdang 1:20 ako meta HPMC Juice Factory anasa atalok.
Iba tesem anasa lendong atalokba ya tang mezüng masü, saka tanga mapang nunga aiben ataloka lir.
July 2010 nung Kalka nungi Shimla-i aoba train ka Solan district kübok Koti anasa train tetsüng longteta tugua lendong atalok, aser ibaji ajanga ghonda tenet tashi iba lenmang nung train kata mesenzüteti liasü.
Ano December 2008 nunga Solan district nung Kalka-Shimla holiday special train tetsüng longteta tugua lendong atalokdang nisung ka asü aser nisung trok yirua liasü