Kamakhya Tempel nem India Today Tourism sempet agütsü

Guwahati, April 21 (Agencies): Guwahati nung aliba Kamakhya Temple nem ‘Heritage category’ nung India Today Tourism Award agütsüba ajanga state nem konang nüngsang bener arutsüogo. Iba sempet agütsütsü asoshi India Today ajanga survey agia liasü.
Iba survey ya mezüngbuba agiba lir aser linük nung tesem balala nungi iba survey nung shilem agir aika liasü. Iba sempet agütsütsü shimtetba ya social media ajanga vote agütsüba nungi shimtet.
Takokertem rongnung Kamakhya Temple ya tematiba jenjang ngutet.
Iba sempet ya Union Minister of Tourism & Culture, Mahesh Sharma-i agütsü aser Assam Tourism Development Corporation Limited (ATDCL) mendenbuba, Jayanta Malla Baruah-i agizük.