Kamal Haasan aser Shankar na ‘Indian 2’ asoshi lungjemtsü

Chennai, September 30 (Agencies) : Actor Kamal Haasan aser film yanglur Shankar na 1996 küm Tamil film “Indian” ajanga kanga takok anguba sülen küm 20 shi pilaa lir, tang iba film indang tanabuba shilem yanglutsü asoshi lungjemtsü.
Iba film atema Dil Raju-i sen agi yaritsü aser iba film ya Tamil aser Telugu na nung yanglutsü.
Tanü ‘Indian 2’ film asoshi official süa lungjemtsü aser film ya sangküm nungi yanglu tenzüktsü,” ta producer Raju den kanga anasateper inyaker kati osangbenertem dang ashi.
Tesüiba mapang yangluba “Indian” film nung, Haasan-i shilem ana agia lir.
Arishi küm 70 tain, Haasan nüjiso asoshi rarar nungi ozüng amer akümba sülen tamajung den raraba ajanga, nüburtemi pa kanga sapua aser pa nungiter aika aküm. Pai iba film nungji tebu aser jabaso naprong indang shilem agia lir.
“Indian” film nung music ajak A.R Rahman-i mejem, aser Telugu nung “Bharatheeyudu” ta tenüng agütsür saya aser ano Hindi agi “Hindustani” ta tenüng agütsür saya.
Iba film nung Manisha Koirala aser Urmila Matondkar natia tongti shilemtem agi lir aser film ya ajanga Haasan best actor senpet dena National awards asem tashi ngua liasü.
Haasan politics nung majemokdang “Indian 2” film nung tesüsabuba shilem agir film nungi anisüngzüktsü ta olulu kar ajanga angazüker.