Kamal Haasan-i ‘Indian 2’ jakdang ‘Sabash Naidu’ tama atemtsü

Chennai, October 2 (Agencies) : Actor aser film yanglur Kamal Haasan-i Tamil comedy “Sabash Naidu” tema yangluba sülenang 1996 küm yangluba Tamil blockbuster “Indian” film indang tanabuba shilem yanglutsü, ta osang ka ajanga ashi.
Haasan indang “Indian 2” film yanglutsü atema ya tesüiba hopta to temai adoka metetdakja liasü.
Dil Raju-i Tamil aser Telugu na nung inyaktsü aliba project ya ajanga director Shankar aser Haasan na küm 20 sülen tanaben longjemdaktsütsü.
“Kamal-i ‘Sabash Naidu’ tamasa tembangner aser iba sülenjiang ‘Indian 2′ tangok tenzüktsü. Pai tan ita nungi ‘Sabash Naidu’ project maneni inyakner kechiba süra pa ‘Big Boss’ den nangzüktepa aliba nungi pilaogo,” ta Haasan den kanga anasatepa aliba nisung kati osangbenertem dang ashi.
“Paisa ano mapang talangka anendaka aliba ‘Vishwaroopam 2′ film-a mapa kümner, iba film ya joko taküm anogo ishika tsüngda nung tangokmatsü,” ta kasa osang ajanga ashi.
Yaküm pa indang office nungi aludang jenjang nung alanga tsüker tetsüng sükdangba sülen, ‘Sabash Naidu” tangokba anenadok.
“Sabash Naidu” film ya kanga dang nüngtugu jilushi “Dasavatharam” nungi Balram Naidu indang lir.
Iba project nung Shruti Haasan, Ramya Krishnan, Brahmanandam aser Saurabh Shukla nungeria shilem agia lir.
Ano külen “Indian 2” film yaa 2018 küm tesadang nungbo tangok tenzüktsü.
Yaküm sangdongba Haasan indang political oshi ana indang thriller “Thalaivan Irukkiran” atemabo ano terenlok osang kecha mali.