Kangana o Rajkummar nati Mental Hai Kya sayatsü anogo sangdongogo

Mumbai, Chiteni 4, 2018 (Agencies): Kanga dang yongya ataba psychological-thriller ‘Mental hai kya’ film, koba nung Bollywood stars Kangana Ranaut aser Rajkummar Rao nati tongti shilem agir, iba film ya taruba küm Tsüklai/February 22 nü sayatsü renemdar.
Twitter ajanga Rao-i video tajung ka lemsatep aser iba video nung Rao aser Kangana nati film sayatsü indang osang sangdonga liasü.
Iba video nung Kangana-i Rajkummar dak tsükshia (bump) sayur aser tena ya kati ka den jembitepa, ‘Mental Hai Kya’ ta asüngdangteper. Iba sülen tenati, ‘mentals’ ya nenoki taruba küm Tsüklai/February 22 nü angutsü ta, video nungsa lemsatep.
‘Queen’ film nung külemi shilem agir sülen iba thriller ya Rao aser Kangana indang project tanabuba asütsü. Iba film ya Ekta Kapoor aser Shaailesh R Singh nati produce asütsü.
Prakash Kovelamudi-i direct asüba film nungsa Amyra Dastur aser Satish Kaushik nati shilem agiba angutsü.