Kangtsung Kaketshir Telongjem saisapong osang

Tuli, Aenjeti/January 12, (TYO): Kangtsung Kaketshir Telongjem 8 buba Saisapong aser Football running Trophy January 8 aser 9 2020 anogotem nung munga liasu. Iba Saisapong sentong nung tetsürtem aser teburtem Volleyball unit wise asaya aser football, club wise asayaa liasu.
Teburtem volleyball asaya Dimapur unit-i akok aser Kangtsung unit tanabuba jenjang nung liasü. Maneni tetsurtem volleyball asaya-a Dimapur unit-i akok aser Kangtsung unit tanabuba jenjang nung tembang.
Football asaya nung club trok tashi shilem agi aser tatemsa Royal Rangers FC aser United Brothers FC na tsüngda final asaya koba Royal Rangers FC-i akok aser Brothers FC tanabuba jenjang nung tembang.
Footbal final asaya nung Aotemsu Lemtur, Retd Junior Education officer alakteta jaoker ka ama arua aden aser pai tatembangba sentong moaja liasu.