Kangtsung Village Council-i mangyimer

Mkg, Monupii 04 (TYO): Kangtsung Village Council-i lanur ketdangser tajung, N. Anyei Wallimp anojungi asüba osang angazüka mangyimer, ta Kangtsung Village Council Chairman, M. Mar Lemtur-i sangdong ka nung metetdaktsü.
“Onoki asür kibong den mangyim lemsateper. Tembartem aser temeimertem jentii mangyim lemsatepba ajanga nenok melung süneptsütsü, aser iba mangyim koktettsü ta sarasademtsür,” ta sangdong nungsa shia lir.
“Iba ama mangyim mapang nung Tsüngremi mangyimer kibong züngsemtem nem tesünep agüjang aser pa taküm junga liogo ta meteta tashi aser teimla agüjang ta sarasademtsür,” ta kasa sangdong ajanga metetdaktsü.