Kanhaiya-i aibelena mali, tangsa chioktsüla: Sharad Yadav

New Delhi, February 21 (Agencies): Tanü Janata Dal (U) Tir, Sharad Yadav-i, JNU Students’ Union Tir, Kanhaiya Kumar-i aibelena mali, anungji pa tangsa chioktsüla ta takhangba agütsüogo.
Yangi osangbenertem den jembidang Yadav-i, “Kanhaiya-i aibelena mali. Atangji tatalokbatem jungkai adokba ajanga iba ken o nung densemdaktsü ta sayur. Pa tangsa chioktsüla,” ta ashi.
Yadav-isa, Kanhaiya masü saka linük anemba yimyim ayimertem aputsüla, ta ashi.
BJP aitsüba olen ka nung pai, “Sorkar akümtsü atema BJP-i PDP den loktepba tesem, Kashmir Valley nung anogoshia linük anema yimyim ayimer,” ta ashi.
BJP-i tilateri ka agi tulu ka kümdaktsür, ta paisa aitsü.
“Bihar Assembly election mapang nung BJP-i nashi shi onük benoka nüburtem mesüzüktsü merang. Nashi shi ya North East state 8 prongla nung achir. Iba ya mangatettep adoktsü ken o ka masü,” ta Yadav-isa ashi.