Kanhaiya indang bail titsütsü atema Delhi HC court nung o angadangtsü

New Delhi, March 15 (Agencies): JNU Students Union Tir Kanhaiya Kumar nem melar aliba ita trok interim bail tijang ta temepishiba agüja aliba ken o Bodhbarnü Delhi High Court nung angadangtsü.
Iba temepishiba ya lawyer R.P. Luthra-i Mongulbarnü agütsü aser pai, “March 2 nü Kanhaiya nem interim bail meladang Delhi High Court-i pa nem tetuyuba agütsüba alema pai inyakogo,” ta ashi.
Kanhaiya ya linük anema yimyim ayimba dak sentakba ken o nung tai tonglokja February 9 nü tepuokdak puoka ayu.
R.P. Luthra-i ashiba agi, Kanhaiya tepuokdak nungi chioker külen pai India army anema o kar jembiogo, ta ashi.
Kanhaiya nem bail agütsüba mapang Justice Pratibha Rani-i pa dang linük anema inyakba maparen kecha nunga kecha yimya agi madentsü tetuyuba agüja liasü.