Kanhaiya leniba nung kaketshirtemi Rahul Gandhi ajuru

New Delhi, March 22 (Agencies): Tanü JNU students’ union Tir, Kanhaiya Kumar leniba nung JNU aser All India Students Federation (AISF) nungi teshimtet kaketshir telok kati Congress tatong Tir, Rahul Gandhi ajuruogo.

Ghonda ka senden amenba sülen Kanhaiya-ibo osangbenertem den mejembi, ajisüaka NSUI tongti, Roji M John-ibo, JNU nung mangatettep ken o adokdang Gandhi-i kaketshirtem pusemba atema pa dang pelaba lemsateptsü atema parnoki pa ajuru, ta metetdaktsü.

Osangbenertem den jembidang John-i, “Gandhi-i JNU nung kaketshirtem pusemba dang masü saka FTII aser IIT Madras kaketshirtemi sorkari kaket rejutem anema inyakba atema ola adoka lungkak aitdanga pai pusema liasü. Kaket rejutem tashi kümzüka ayutsü atema onoki maneni raratsü,” ta ashi.

Iba dak sentakba nung Gandhi-i tongmelang agi dang, “AISF kaketshir lenirtem aser JNUSU Tir ajuru,” ta dang lemsatep.

JNU campus nung Kanhaiya apuba sülen anogo ka lir February 13, 2016 nü Congress lenir Rahul-i JNU campus semdanga liasü.

Iba mapang nung Rahul-i sorkar aija, “NDA sorkari kaketshirtem ola nokdanger,” ta jembia liasü.