Kanhaiya Tihar Jail nungi aluogo

New Delhi, March 03 (Agencies): JNU kaketshir telongjem Tir, Kanhaiya Kumar-i linük anema yimyim ayim ta tai tonglokja police-i puer hopta asem tepoukdak ayuba sülen tanü pa Tihar Jail nungi chiokogo.
Pa tepoukdak nung chiokli NDTV osangbenertem den jembidang pai, “Joko tangbo ni kü otsü zülutsü. Osangbenertem ajanga ni takoksa angur ka liasü,” ta ashi.
Taonung Kanhaiya den pa atema okatsürtem nija gari ka nung police gari anati meiner Hari Nagar police station-i anir ao.
Additional IG (Prisons) aser Tihar jail otongdar, Mukesh Prasad-i, “Kanhaiya indang bail bond aser chiokba kakettem junga reprangdangba sülen taonung 6:30 ako meta jail nungi chiokogo,” ta metetdaktsü.
Yashi Kanhaiya-i JNU dak sentakba ken o bushisüngdangba nung pai yariteptsü aser nüngdakba mapang police-i kodang jadir pa arutsü ta nangzükba sülen Delhi High Court-i pa nem interim bail ita trok agüja liasü.
February 9, 2016 nü JNU campus nung sentong ka alidang linük anema yimyim ayim ta tai tongloktsüba dak sentakba nung February 12 nü Delhi police-i Kanhaiya apu.
(Maneni tapak 9 nung…)