Kanye West-i ken tasen ana sayaogo

October 20, 2015: Kanye West sapurtem atema osang tajung kaji, pa tasen ana- ‘When I See It’ aser ‘Say You Will’ na sayaogo.

America nunger rap kentener Kanye-i pa indang classic ken ana remix asü aser ken tasen ana ama saya. ‘When I See It’ ken ji 2015 küm pa ken ‘Tell Your Friends’ remix asüba lir aser ‘Say You Will’ kenji Caroline Shaw densema remix asüba lir, ta E! Online osang ajanga metetdaktsü.

Travis Scott, shibai West indang label GOOD Music nung sign sütepa lir, pai taküm August ita FYF Festival nung Kanye den külemi shilem agia liasü, aser Kanye indang ken tasen ana sayaba ya pai mezüng Instagram nung noksa ka den SoundCloud stream nung linük ka agüja sangdonga liasü.

Arishi küm 38 Kanye-i New Year anogo nung ‘Only One’ ken aser 40buba SNL mung nung ‘Wolves’ ken sayaa liasü.

West-i kobi melii pa indang ‘Swish’ kensep sayatsü aser iba kensep nungji ken tasen aa ya densemtsü.